تحذير لجميع الفتيات من مرض خطير يصيب النساء وطريقة بسيطة للغاية للوقاية منه
قال طبيب يدعي محمد صلاح علي موقع التواصل الاجتماعي ان مرض سرطان الثدي والذي يصيب الفتيات والسيدات يمكن الوقاية منه واكتشافه مبكرآ وذلك عن طريق اختبار بسيط تقوم به هذه السيدات وروي قصة زوجة شابة اصيبت بالمرض ولم تدرك ذلك حتي انتشر بجسدها حيث قال محمد
من يومين جاتلي بنت عندها 27 سنة وحست بـ كلكوعة في الثدي وأنا بفحصها مكنتش مبسوط كانت الكلكيعة مُقلقة شوية ومتشعبة طبعا كان في نسبة شك عالية انها تكون بؤرة سرطانية المهم وهي قاعدة في العيادة قالتلي ان معدتها تعباها عشان بتاخد مسكنات كتير سألتها بتاخدي ليه مسكنات كتير ؟؟
قالتلي عشان ضهري بيوجعني جدا بقاله شهر
طبعا انا شكيت أكتر بعتها تعمل الفحوصات اللازمة طلع عندها ورم سرطاني بالثدي من المرحلة الرابعة ومنتشر في الجسم كله بما فيه الفقرات بتاعت الظهر اللي هي مسببالها وجع الضهر
طبعا مأساة لان نسب الشفاء بالنسبة لها منعدمة تقريبا واللي يزعلك أكتر انها زوجة حديثة وعندها طفلين زي الورد
طبعا هي محدش قالها قبل كدة انها لازم تفحص نفسها شهريا وانها لازم تحسس منطقة الثدي كل شهر ابتداء من سن البلوغ طبعا لو كانت عملت كدة كان ممكن نكتشف الورم ده من سنة وكان زمانها عملت عملية صغيرة خالص شيلنا الورم وكمان حافظنا على الثدي بالكامل
طبعا التوعية والثقافة ديه دور الدولة
أنا وجدت انه من واجبي اعمل التوعية ديه في حدود امكانياتي يمكن أقدر أنقذ روح انسان