ايه اللى حصل فى كنيسة كفر الواصلين؟
كنيسة الامير تادرس فى كفر الواصلين مركز اطفيح محافظة الجيزة هى عبارة عن مبنى بدون صلبان او قبة او جرس او منارة و تم فرض الشروط المجحفة دى على اقباط القرية لمجرد السماح لهم بالصلاة .
قام بعض متطرفين القرية بالتحريض على الكنيسة و ادعاء انها هترفع جرس و نشروا تهديدات على الفيس بوك و بناء عليه قام القمص مرقس كاهن الكنيسة بالتبليغ عن التهديدات وبالفعل حضر للمكان 3 افراد امن من امن الدولة .
قبل انتهاء صلاة الجمعة ب 5 دقائق اختفى تماما ال 3 افراد بتوع امن الدولة وحدث تجمهر كبير بيهتف ضد الكنيسة ويكبر و اقتحموا الدور الارضى و كسروا الايقونات و الدكك و الصلبان و الهيكل و كرسى الكاهن و طلعوا على القاعة اللى فوق كسروا كل شئ المراوح و الايقونات و الكراسى و كل ما يقابلهم.
اتجمعوا على المقدس عيد ابراهيم عطية اللى اتبرع بارض البيت و على ابنه نادى و ابن عمه سمير سعد ابراهيم و ضربوهم بالشوم لحد ما اتنقلوا المستشفى والمقدس عيد فى غيبوية و بيعملوله اشعة مقطعية للشك فى اصابته بنزيف فى المخ.
الامن حضر متاخر و عرقل وصول الاسعاف للموقع و سبق وانسحب قبل الاعتداء بدقائق و حاليا فى تهديدات مباشرة بحرق الكنيسة عشان ميتمش الصلاة فيها تانى .
المعتدين بالاسماء ومعروفين للامن و لاهل القرية وهم :
محمد هبدالمحسن عبدالحليم
ربيع احمد عبدالمحسن
احمد عبد المحسن
ادهم سمير عبدالعليم صالح
احمد سمير عبدالعليم
ثابت عبد الرحمن سيد عبدالبارى
اسامة احمد عبد الباقى الكحيل
ادهم بركات جسيين
ادهم توفيق سقيطة