يحكي احد محبي ( ابونا سمعان ) من المنيا ( ابوقرقاص ) :-
لي قريب شاب عنده 20 سنة في البلد تم خطفه والخاطفين طلبوا فدية 2 مليون جنيه ليعود الشاب حيا لاهله وصمموا علي ذلك . استمر الوضع 3 ايام علي هذا الحال وكل يوم تهديد للاب بقتل ابنه في حالة عدم دفع المبلغ . وهذا المبلغ الكبير جدا يفوق امكانيات الاهل ان يتصرفوا فيه .
وكنت دائما بتشفع بـ ( ابونا سمعان ) و(البابا كيرلس ) ليرجعوه بالسلامة دون اي اذي . وفي ثالث يوم كنت نايم وحلمت بأب راهب وعرفته انه هو ( ابونا سمعان ) وكان قاعد علي كنبة خشب وابتسم ليا فاطمنت واتعزيت جدا وبعدها فتحت الفيس بوك وقرأت معجزتين متشابهتين عن الخطف وكتبت بإصبعي علي شاشة الكمبيوتر اسم " كيرلس " ( الشاب المخطوف ) واتشفعت بابونا سمعان وقلت : ( مهما كانت صعوبة الموقف تشفع له ليرجع بالسلامة لاهله ) .
.
وصدقوني بعدها بساعتين بالظبط اتصل بي اخي ليقول لي : ( كيرلس رجع البيت دلوقتي بمعجزة واهله تفاوضوا مع الخاطفين لتخفيض مبلغ الفدية ، فدفعوا حوالي 100 الف فقط !! ) والمعجزة العجيبة انهم وافقوا علي 100 الف جنيه بدلا من 2 مليون ودا صعب جدااا .ونشكر ربنا انه رجع لاهله بالسلامة بصلوات ( ابونا سمعان ) و( البابا كيرلس ) وشفاعتهم تكون معنا وتشملنا وتسندنا .
---------------------------------------------
من كتاب ( طيف مـلاك ) الجزء الثالث