تكفير تهجير تدمير ديانة إهانة إدانة الموضوع فعلا خطيراكتب يا قلمى و ربنا معانا متخافش يا قلمى من الإرهاب اوعى تخاف من اى مخلوق حتى لو هنشوف العذاب ربنا معانا نجاه و طوق
كلامك ده اسمه ابداع و حرية
او دفاع عن حق المسيحيين
ده أقل واجب من باب الإنسانية
مالوش دعوة بالعقيدة ولا الدين
ايه الحكاية ايه القصة
ولا المسرحية مبتنتهيش
ياما شوفنا فتن و لسة
من ناس رخيصة متساويش
ناس عايشة فى غيبوبة
فاكرين روحهم إله
واخدين الدين سبوبة
مرروا بيه طعم الحياه
قتلوا فى تريزة و حنا
من غير اى أسباب
و قالوا مش رايحيين الجنة
مع أنهم أهل الكتاب
كل طموحهم و أهدافهم
أن المسيحى يموت
مرساهم و كل مجدافهم
شر و كره و جبروت
فين راح ضميركم
ولا حواليه قيود
يالى بتقتلوا غيركم
ربنا موجود
ناس متعرفش ربنا
من قريب ولا من بعيد
كل اللى يهمهم قتلنا
و أمنا متبقاش ام الشهيد
المسيحيين مش كفار
ولا احنا خلاص بقينا الديان
لا معانا مفاتيح جنة ولا نار
ولا احنا اللى خلقنا الإنسان
كلمات : محمد فتحى