تحذيرات بخصوص طريق الساحل الشمالى بالإسكندرية :
١- ياريت كل اللى طالع يتحرك الصبح بنسبة كبيرة جدا لو اتحركت بليل وانشغلت باى حاجة لمدة ثانية هتحصل كارثة بعد الشر
٢- مفيش اى عمدان نور على الطريق بالكامل فى الاتجاهين والعواكس متركبتش كلها لسه فتقريبا مفيش اى نور غير العربيات
٣- الحارات مش مكملة للاخر بمعنى انك هتكون ماشى فى الحارة وفاجأة هتلاقيها خلصت يعنى فى اخرها هتقابل ان الطريق بيضيق ومفيش حارات وانت بتجرى او فى تحويلة او الخطوط مره واحده هتتمسح فهتكون تايه
٤- كل ال U turn لسه الناس مش عارفه اماكنها فين ومعظمهم مفهومش علامات فهتكون ماشى وتلاقى مرة واحدة الناس بتلف قدامك عادى لانت ولا هم عارفين مين صح ومين غلط
٥- الطريق مرتفع وفى اماكن متقفلتش لسه فلو حصل لقدر الله حاجة حرفيا العربية هتقع من فوق جبل
٦- ناس كتير اوى اوى هتتفاجئ بالطريق ده ومحدش لسه حافظه فتوقع اى غلطة من اى حد
٧- مداخل القرى اماكنها مش معروفة مرة واحد هتلاقى اللى قدامك وقف علشان يلحقها او قرر يرجع بضهره
٨- محدش يطلع على الطريق ده صبح او بليل وهو مش فى كامل وعيه
والله اللى حصل الصيف اللى فات صعب جدا وربنا يستر الصيف ده وكل سنة وانتم طيبيين
