تنبيه هام للى بيستخدموا وسائل المواصلات
انا امبارح اتكتبلي عمر تاني
انا حاسيت أن ربنا لمسني بأديه الحلو
انا لازم اعرفكم الحادثة بالتفصيل
انا بركب المترو عادي ذي كل يوم
واول ما ركبت واحده قامت وقعدت عادي
راحت واحده علي طول اتكلمت معايا
بتقولي عاوزة أسألك علي حاجة هو انتي نازله فين
قولتلها في حاجة
قالتلي لا سالت تاني قولت الاخر مع اني مش بنزل غير في عزبة النخل
سالتني وبتقولي
هي جايبه زيتون مخلي# وركزوا كويس #
راحت بتقولي جايبه ٣ انوع مخلي انا استغربت
وبقولي في سري ايه يعني
بتقولي واحد اسود واصفر وأخضر
وهشيله لي رمضان علشان الزحمه
بقولها بالف هنا وشفاااا وكل سنة وحضرتك طيبة وسكت
وبصيت في الفون بتاعي عادي
وبعد كدة بتقولي دااااااا الراجل اداني كيس مياه للزيتون علشان احط فيه الزيتون طب لو الميه ماكفتش اعمل ايه
انا ماردتش راحت بصتلي بتقولي انا بكلمك
قولتلها كملي مياه بخل وملح بسيط وسكت
قالتلي بصي انا شاكه في واحد وفتحت الكيس وبتقولي شمي كدة # روحت قولتلها عندي حساسيه مش بشم#
طب قالتلي طب خدي واحده دوقيها
قولتلها مش باكل مخلل
وبصيت في تليفوني
مع العلم المترو كان في ستات غيري بس طبعا كله كان ملهي مع البائعين اللي في المترو
فهي راحت مطلعة زجاجة ورشت ناحيتي وانا لسه في الفون
وبعد كدة انا كنت بكلم واحده صحبتي
وحاسيت اني دايخة خالص ومش مركزة
راحت هي كلمت واحد في تليفونها وبتقول الزبون جاهز وانا راكبه العربية الحمراء في المترو المكيف واستناني
انا خوفت جدا جدا جدا جدا
روحت رشمت الصليب في سري وقلت يارررررب ارجوك ساعدني
روحت حاولت اقف ومش قادرة اتكلم ومش قادرة اوزن نفسي
راحت جاءت وقفت ورايا وبتقولي انتي وقفتي ليه لسه بدري
وكنت في محطة عين شمس وداخله علي عزبة النخل
عملت نفسي اني رجلي وجعتني من الاقعدة مع اني راكبه من الزيتون
والمترو فتح في عزبة النخل والناس بتنزل وانا برضوا واقفة
واول ما المترو صفر انا بسرعة نزلت مش عارفه اذاي
ركنت علي جانب علشان اهدي فشوفت واحده اعرفها من العزبة شافتني واقفه علي جانب وكنت دايخة جدا جدا جدا
قولتلها ارجوكي ساعديني انا تعبانة مسكت ايدي وعدتني وراحت ركبت الميكروباص علشان اروح وانا بصلي في سري
يارررررب استرها عليه لغايت ما اوصل البيت
وقد كان وانا فضلت شفايفي ووشي منمل كله لغايت بليل ونمت وصحيت مش متزنه خالص وفضلت افكر
هي الناس ليه حصلها ايه وانهرت خالص
بس بشكر ربنا اني لسه عايشة وان ربنا كتبلي عمر جديد
معلش طولت عليكم 
🙌 بس كنت لازم اكتب التفاصيل كلها
🙌 بس كنت لازم اكتب التفاصيل كلها
علشان تاخدوا بالكم
وربنا يحافظ عليكم كلكم
🙏🙌
🙏🙌
خدو بالکم من الاشکال دي